Beth os wyf yn gweithio neu’n astudio?

Gwaith

Rydych dal yn medru hawlio Credyd Cynhwysol (CC) hyd yn oed os ydych yn gweithio, ond bydd y swm yr ydych yn derbyn yn medru lleihau’r swm o CC yr ydych yn ei dderbyn.

Efallai eich bod yn talu treth drwy Pay As You Earn (PAYE); yn yr achos hwn, bydd Cyllid a Thollau Ei Mawrhydi (HMRC) yn dweud wrth yr Adran Waith a Phensiynau faint ydych yn ennill.

Os ydych yn hunangyflogedig, dylech ddweud wrth yr Adran Waith a Phensiynau faint ydych yn ennill bob mis. Efallai bod hyn yn newid bob wythnos neu fis, ac felly, bydd yr Adran Waith a Phensiynau yn asesu eich incwm drwy nodi eich bod yn ennill isafswm bob mis. Dyma’r isafswm incwm ac mae’n seiliedig ar y cyflog isafswm cenedlaethol, sef 35 awr yr wythnos. Yn seiliedig ar hyn, byddwch yn derbyn isafswm incwm wythnosol o:

• £227.05 os ydych yn 21 neu’n hŷn,
• £178.05 os ydych rhwng 18 ac 20, neu
• £132.65 os ydych o dan 18.

Astudio

Nid ydych yn medru hawlio CC fel arfer os ydych yn fyfyriwr llawn amser sydd yn astudio:

• Gradd,
• Ôl-radd,
• Diploma addysg uwch,
• Diploma cenedlaethol uwch, a
• Unrhyw gymhwyster arall sydd yn uwch na GNVQ datblygedig neu safon lefel A.

Rydych yn medru hawlio CC pan yn astudio os

• Plentyn gennych
• Rydych yn derbyn Lwfans Byw i’r Anabl neu'r Taliad Annibynnol Personol  ar unrhyw gyfradd ar gyfer unrhyw elfen, a
• Rydych yn meddu ar allu cyfyngedig i weithio.

Os ydych yn astudio rhan amser ac yn cwrdd â’r amodau sydd wedi eu hamlinellu yn eich ymrwymiad hawlydd, mae modd i chi hawlio CC