Cyfrifon banc

Os yw eich cyflog neu fudd-daliadau’n cael eu talu i gyfrif banc, mae’n syniad da gwahanu eich arian fel eich bod yn rhoi arian o’r neilltu ar gyfer biliau hanfodol fel eich rhent neu forgais, treth y cyngor a biliau cyfleustodau yn gyntaf.

Un ffordd o’ch helpu i reoli eich arian yw defnyddio cyfrif banc ar wahân ar gyfer eich biliau hanfodol ac yna sefydlu taliadau rheolaidd gan eich banc i’w talu.

Cyfrifon Jar Jam

Mae cyfrifon Jar Jam wedi’u cynllunio i’ch helpu i wahanu’ch arian i wahanol fathau o wariant. Fel arfer mae hyn yn golygu bod eich arian yn dod i mewn i un cyfrif sydd wedi’i sefydlu i dalu biliau hanfodol eich cartref. Mae’r arian sy’n weddill yn cael ei roi mewn cyfrif arall y gallwch ei gyrchu trwy gerdyn arian parod neu gerdyn debyd uniongyrchol. Mae hyn yn golygu nad ydych chi’n gwario’r arian a fwriadwyd ar gyfer eich rhent neu filiau cartref eraill ar ddamwain. Nid yw pob banc yn cynnig cyfrifon jar jam ond gall eich undeb credyd lleol wneud cyfrifon jar jam os nad yw eich banc eich hun yn gwneud hynny.

Bancio Ar-lein

Os ydych chi’n defnyddio bancio ar-lein, mae’r rhan fwyaf o gyfrifon banc yn dod gydag offer bancio ar-lein i’ch helpu i reoli’ch arian. Gall yr offer hyn eich helpu i drefnu’ch gwariant i wahanol gategorïau, cynllunio arbedion a gweld sut rydych chi’n gwario’ch arian. Gofynnwch i’ch banc am ragor o wybodaeth am eu hoffer cyllidebu.

Cyfrifon Banc Sylfaenol

Os ydych chi wedi cael llawer o ddyledion yn y gorffennol efallai eich bod chi wedi cael anhawster agor cyfrif cyfredol oherwydd gwybodaeth ar eich ffeil gredyd. Dylech chi allu agor cyfrif banc sylfaenol o hyd oherwydd nid yw hyn yn cynnwys gwiriad credyd. Mae’r rhan fwyaf o fanciau’n cynnig cyfrifon banc sylfaenol lle gallwch chi dalu arian i mewn, talu biliau a chymryd arian allan ond fel arfer nid oes cyfleuster gorddrafft.

Gallwch ddod o hyd i ragor o wybodaeth am sut i ddewis cyfrif banc sylfaenol a’r hyn sydd ar gael ar wefan y Gwasanaeth Cynghori Ariannol .