Yn siarad ar fy rhan

Os ydych chi’n profi iechyd meddwl gwael, efallai na fyddwch chi’n teimlo’n barod i siarad â’ch banc, cyflenwyr cyfleustodau neu asiantaeth casglu dyledion dros y ffôn. Fel arfer, dim ond os byddwch chi’n rhoi caniatâd llafar iddyn nhw yn gyntaf ac yna’n trosglwyddo’r ffôn i’r person rydych chi am iddo siarad ar eich rhan y bydd sefydliadau fel y rhain yn siarad â rhywun arall am eich materion ariannol dros y ffôn. Mae hyn yn golygu y bydd yn rhaid i chi siarad â’r cwmni a rhoi rhai manylion amdanoch chi’ch hun yn gyntaf fel y gallant wirio eu bod nhw’n siarad â deiliad y cyfrif.

I’ch helpu i baratoi, ysgrifennwch yr hyn rydych chi am ei ddweud a darllenwch hyn iddyn nhw. Os bydd y sefydliad yn cymeradwyo eich cais, bydd hyn yn golygu y bydd y person sy’n siarad ar eich rhan yn gallu casglu gwybodaeth fel balansau eich cyfrif a’ch manylion cyswllt. Fel arfer, ni fydd y gofalwr, ffrind na pherthynas sy’n siarad ar eich rhan yn gallu gwneud unrhyw newidiadau i’ch cyfrif na chysylltu â’r sefydliad yn barhaus.

Fodd bynnag, os ydych chi’n meddwl bod angen i rywun siarad yn fwy rheolaidd â sefydliad ar eich rhan neu weithredu eich cyfrif, gallwch chi roi caniatâd ysgrifenedig. Gelwir hyn yn llythyr awdurdod.

Mae gan rai sefydliadau bolisïau gwahanol ar gyfer delio ag awdurdod ^trydydd parti ac efallai na fydd rhai yn derbyn llythyr awdurdod cyffredinol. Os felly, dylech ofyn i’r sefydliad am ‘ffurflen mandad ^trydydd parti’. Bydd mandad ^trydydd parti yn caniatáu i rywun weithredu eich cyfrif yn yr un modd â llythyr awdurdod.

Gan fod gwahanol bolisïau ar gyfer delio â thrydydd partïon, efallai mai’r peth gorau yw cysylltu â’r sefydliad yn gyntaf i ddarganfod y ffordd orau o fwrw ymlaen.