Beth yw gofal preswyl ac a fydd yn rhaid i mi dalu?

Os oes gennych chi salwch meddwl, efallai y byddwch chi’n ei chael hi’n anodd byw yn eich cartref eich hun hyd yn oed gyda chymorth neu gefnogaeth. Efallai y bydd angen i chi aros mewn llety gofal preswyl. Gellid galw’r math hwn o lety yn ‘gartref gofal’.

Gallwch gael gofal drwy’r dydd a’r nos os ydych mewn cartref gofal. Mae gwahanol fathau o gartrefi gofal i gefnogi gwahanol anghenion. Gall y cartref gofal rydych chi’n byw ynddo ddibynnu ar bethau fel eich oedran neu’ch angen.

Os yw eich awdurdod lleol yn penderfynu bod angen gofal preswyl arnoch, gallant godi tâl arnoch os ydych chi’n gallu talu am y gwasanaethau hyn. Bydd yr awdurdod lleol yn gwneud asesiad ariannol.

Gelwir hyn hefyd yn asesiad prawf modd. Bydd hyn yn cyfrifo faint y bydd yn rhaid i chi ei dalu tuag at gost y cartref gofal. Byddant yn eich asesu fel unigolyn. Mae hyn yn golygu na fyddant yn ystyried incwm eich partner. Bydd angen i chi roi gwybodaeth i’r awdurdod lleol am yr arian sydd gennych.

Gall yr awdurdod lleol ddefnyddio rheolau gwahanol os ewch chi i mewn i’r llety am gyfnod byr.