A allaf gwyno am y taliadau?

Efallai y bydd gennych chi broblemau ynglŷn â’r awdurdod lleol yn codi tâl arnoch chi. Gallwch chi ddelio â phroblemau’n anffurfiol neu’n ffurfiol. Dylent wneud yn siŵr eich bod chi’n gwybod sut i apelio yn erbyn eu penderfyniadau, neu gwyno os dyna beth rydych chi ei eisiau.

Dewisiadau Anffurfiol

Y peth gorau yw ceisio delio â’r broblem yn anffurfiol yn gyntaf. Gallwch siarad am eich pryderon gyda’r gweithiwr proffesiynol sy’n gyfrifol am eich cynllun gofal. Os nad oes gennych gynllun gofal, dylech gysylltu â’r person a wnaeth yr asesiad. Gallwch ofyn iddynt esbonio eu penderfyniad neu drafod eich pryderon. Dysgwch am opsiynau anffurfiol ar wefan Rethink .

Os ydych chi’n siarad â rhywun, cadwch nodyn o:

• Gyda phwy y siaradoch chi,
• Pan siaradoch chi â nhw, a
• Yr hyn a drafodwyd gennych.

Os ydych chi o dan y Dull Rhaglen Gofal (CPA), trafodwch unrhyw broblemau gyda’ch cydlynydd gofal neu weithiwr allweddol.

Dewisiadau Ffurfiol

Cwynion

Os ydych chi eisiau cwyno, mae’n rhaid i chi ddefnyddio gweithdrefn gwyno’r awdurdod lleol (ALl).

Efallai y byddwch yn cael cyngor a chynrychiolaeth yn dibynnu ar eich sefyllfa. Efallai y byddwch yn gymwys i gael cymorth cyfreithiol ond mae rheolau ynghylch hyn. Bydd Cyngor Cyfreithiol Sifil yn dweud wrthych a ydych yn gymwys i gael cymorth cyfreithiol. Gallant roi gwybodaeth i chi am gyfreithwyr lleol sy’n derbyn cymorth cyfreithiol. Gallwch gysylltu â nhw ar 0845 345 4 345. Gallwch chwilio am gyfreithiwr ar dudalen cyngor cyfreithiol gwefan y llywodraeth.