Roeddwn i’n gweithio pan es i’r ysbyty. Beth sy’n digwydd i’m cyflog?

Os ydych chi’n gweithio ond bod yn rhaid i chi gymryd amser i ffwrdd oherwydd nad ydych chi’n ddigon da i weithio, gallech fod â hawl i dâl salwch. Gall eich contract cyflogaeth ddweud faint y bydd eich cyflogwr yn eich talu ac am ba hyd, a elwir yn ‘dâl salwch cytundebol’.

Efallai y bydd angen i chi roi ‘nodyn ffitrwydd’ gan feddyg i’ch cyflogwyr i brofi nad ydych chi’n gallu gweithio; gallwch siarad â’ch meddyg os oes angen nodyn ffitrwydd arnoch chi.

Os nad yw eich contract yn sôn am dâl salwch cytundebol, efallai y byddwch yn dal i fod â hawl i Dâl Salwch Statudol (SSP) . SSP yw’r swm lleiaf y mae’n rhaid i’ch cyflogwr ei dalu i chi os na allwch weithio o ganlyniad i salwch, a thelir SSP am hyd at 28 wythnos. Os ydych chi yn yr ysbyty am fwy na 28 wythnos, gallwch wneud hawliad am Lwfans Cyflogaeth a Chymorth (ESA) .

Os yw eich tâl salwch yn llai na’ch incwm arferol, efallai y byddwch yn gymwys i gael credydau treth a mwy o fudd-daliadau fel Cymhorthdal ​​Incwm , yn dibynnu ar eich amgylchiadau, ac efallai y byddwch yn gymwys i gael Budd-dal Tai (HB) os ydych chi’n rhentu’ch cartref, yn ogystal â Chymorth Treth y Cyngor . Dylech gysylltu â’ch awdurdod lleol i gael gwybod mwy am y budd-daliadau hyn.

Mewn rhai ardaloedd, efallai y byddwch yn hawlio Credyd Cynhwysol (CC) yn lle ESA a HB – gall y rheolau ynghylch budd-daliadau fod yn gymhleth. Mae gan y sefydliad Turn2us gyfrifiannell budd-daliadau ar eu gwefan, y gallwch ei defnyddio i weld beth y gallech ei hawlio:

Mae Turn2us yn sefydliad sy’n helpu pobl mewn caledi ariannol i gael mynediad at fudd-daliadau lles, grantiau elusennol a gwasanaethau cymorth.