Mae amser ar ben gen i – oes unrhyw beth y gallaf ei wneud?

Weithiau, bydd yr Adran Gwaith a Phensiynau (DWP) yn caniatáu ichi ofyn am ailystyriaeth orfodol os ydych chi wedi methu’r dyddiad cau o fis, sy’n dechrau o ddyddiad y llythyr penderfyniad rydych chi’n ei herio .

Dylech ysgrifennu at yr Adran Gwaith a Phensiynau i ofyn am yr ailystyriaeth orfodol – yn eich llythyr, esboniwch pam na allech ofyn o fewn y terfyn amser o fis a gofynnwch iddynt ymestyn y dyddiad cau, ond dim ond hyd at 13 mis ar ôl y penderfyniad gwreiddiol y gallwch ofyn am ailystyriaeth hwyr. Po hwyraf y gofynnwch, y cryfaf y mae angen i’ch rhesymau fod. Bydd yr Adran Gwaith a Phensiynau yn derbyn ailystyriaeth hwyr os:

• Mae’n rhesymol
• Ni allech chi ofyn yn gynharach oherwydd amgylchiadau arbennig

Os oeddech chi’n sâl neu yn yr ysbyty ar y pryd, er enghraifft, gallech ofyn i’r Adran Gwaith a Phensiynau am ailystyriaeth hwyr, ond eu dewis nhw yw derbyn hyn ai peidio. Ni fydd yr Adran Gwaith a Phensiynau yn derbyn ailystyriaeth hwyr oherwydd nad oeddech chi’n gwybod am y gyfraith na’r terfynau amser.

Mae penderfyniad diweddar gan yr Uwch Dribiwnlys wedi penderfynu y gallwch gael yr hawl i apelio os gofynnwch am ailystyriaeth orfodol o fewn 13 mis.

Mae hyn yn golygu y bydd angen i’r Adran Gwaith a Phensiynau naill ai:

• ailystyried eu penderfyniad neu ei ddiwygio oherwydd gwall swyddogol
• rhoi hysbysiad ailystyriaeth orfodol i chi yn dweud na ellir diwygio’r penderfyniad

Beth bynnag, dylech dderbyn hysbysiad ailystyriaeth gorfodol, ac os ydych chi’n dal yn anfodlon â’r canlyniad, gallwch apelio i dribiwnlys annibynnol.