Beth sy’n digwydd i’m budd-daliadau ar ôl ailystyriaeth orfodol?
Os cewch eich canfod yn addas i weithio ar ôl ailystyriaeth orfodol, gallwch apelio i’r tribiwnlys. Byddwch yn derbyn llythyr cadarnhau tribiwnlys ar ôl i’ch cais am apêl gael ei dderbyn. Ar ôl i chi gael y llythyr cadarnhau, dylech gysylltu â’r Adran Gwaith a Phensiynau (DWP) i wirio eu bod wedi derbyn eich apêl a gwirio eu bod wedi adfer eich Lwfans Cyflogaeth a Chymorth (ESA). Os gwnaethoch hawlio budd-dal arall fel Lwfans Ceisio Gwaith (JSA) yn ystod eich cyfnod ailystyriaeth orfodol, bydd angen canslo’r hawliad hwn os caiff eich ESA ei adfer. Dylid talu eich ESA ar y gyfradd asesu a pharhau nes bod eich apêl wedi’i chlywed.
Ni chewch unrhyw ESA ar ôl ailystyriaeth orfodol os ydych wedi gwneud hawliad arall ar ôl hawliad aflwyddiannus. Dim ond os bydd eich iechyd yn gwaethygu y gallwch wneud hynny.
Ni chewch ESA ar ôl eich ailystyriaeth orfodol os yw eich apêl yn ymwneud â pheidio â chwblhau’r holiadur iechyd neu beidio â mynychu archwiliad meddygol.
Sut mae herio penderfyniad ynghylch Taliad Annibyniaeth Personol (PIP), Lwfans Byw i’r Anabl (DLA) neu Lwfans Ceisio Gwaith (JSA)?
Os oeddech chi’n gofyn am ailystyriaeth orfodol ar eich cais am Taliad Annibyniaeth Personol(PIP),Lwfans Byw i’r Anabl(DLA) neu Lwfans Ceisio Gwaith (JSA), bydd y DW P yn gwneud penderfyniad ynghylch eich cymhwysedd. Os Os yw eich ailystyriaeth orfodol yn aflwyddiannus , gallwch apelio i’r tribiwnlys annibynnol ond ni chewch eich talu PIP, DLA na JSA yn ystod yr apêl.
Herio penderfyniad Credyd Cynhwysol (UC)
Os oeddech chi’n herio’r penderfyniad i beidio â dyfarnu elfen Gallu Cyfyngedig i Weithio’r Credyd Cynhwysol (CC), efallai y byddwch chi’n cael yr elfen ar ôl ailystyriaeth orfodol. Os na, gallwch chi apelio i’r tribiwnlys – gallwch chi hawlio’r lwfans safonol o CC yn ystod yr amser hwn.
Gallwch ddod o hyd i ragor o wybodaeth yn yr adrannau canlynol:
Rhannwch yr erthygl hon
